Chaand tanha hai aasmaaN tanha
dil mila hai kahan kahaaN tanha
Bujh gayi aas chup gaya taara
thar tharaata raha dhuaaN tanha
Zindagi kya isi ko kahte haiN
jism tanha hai aur jaaN tanha
Hamsafar koi gar mile bhi kahi
dono chalte rahe tanha tanha
Jalti bujhti si roshni ke pare
simTaa simTa sa ek makaaN tanha
RaaH dekha karega sadiyoN tak
chhoR jaayeNge ye jahaaN tanha